Уушгины хатгалгаа өвчин гэж юу вэ?

Уушгины цулцангийн тодорхой хэсэг цочмогоор улайн хавагнаж, шүүстэн нэвчдэстэн, үйл ажиллагаа нь хямрахыг хэлнэ.

Тэгвэл ?…  Уушгины хатгалгаатай хүүхэд бүхэн эмнэлэгт хэвтэн эмчлүүлдэггүй. Уушгины хатгалгаатай хүүхдүүдийн зарим нь гэрээр эмчлэх боломжтой. Үүнийг эмчлэгч эмч хүүхдийг үзэж шийдвэрлэнэ. 

Харин Уушгины хатгалгаатай ямар хүүхдийг гэрээр эмчлэх боломжгүй вэ?

Гэрээр эм уух чадваргүй, амьсгал олширсон, цээж хүчтэй хонхолзсон, усгүйжилд орсон, хүнд хэлбэрийн амьсгалын дутагдалтай хүүхдийг эмнэлэгт зайлшгүй хэвтүүлэх эмчлэх шаардлагатай.

Уушгины хатгалгаа хүүхдийн гэрийн асаргаа, зөвлөгөө

  1. Эмчийн зөвлөсний дагуу эмийг цагт нь бүрэн уулгах, зөв тунгаар, зөв уулгах
  2. Маш сайн амраах /Эрт унтуулах/
  3. Үргэлжлүүлэн хооллох /Өвдсөн хүүхдэд илчлэг шаадлагатай тул шинэхэн бэлдсэн амин дэмээр баялаг хоолыг ойр ойрхон халуун бүлээнээр өгөх/
  4. Шингэнийг бага багаар ойр ойрхон уулгах / Амьсгалын замын халдвартай хүүхэд бактер, вирусын нөлөө, халууралт, цэр нусны ялгарал зэргээс шалтгаалж шингэн алдаж байдаг тул хүүхэддээ халуун бүлээн шингэнийг ердийн үеэс илүү уулгана. Чихэрлэг жүүс, ундаа шингэн зүйлд орохгүйг анхаарна уу.
  5. Дааруулахгүй байх, Дахин халдвар авахаас сэргийлэх
  6. Хатгалгаатай хүүхдэд хэзээ ч ханиалгалтыг нэмэгдүүлэх зүйл хэрэглэхгүй. / Харшил төрүүлэгч хоол хүнс, чипс, шарсан хайрсан, өнгө будагтай чихэрлэг зүйл өгөхгүй байх/
  7. Шуугиант амьсгалтай хүүхдийн хажууд утаа, үнэр гаргахгүй байх
  8. Эмчийн зөвлөсний дагуу Давтан үзлэгт заавал хамрагдах

ХЭЗЭЭ ЯАРАЛТАЙ ЭМЧИД ҮЗҮҮЛЭХ ВЭ?

  1. Амьсгаадах
    / Нярай хүүхэд амьсгал 1 минутанд >60 /
    / 2 сараас 1 хүртэлх насны хүүхэд амьсгал 1 минутанд >50 /
    / 1-с 5 хүртэлх насны хүүхэд амьсгал 1 минутанд >40 /
  2. Цээж хүчтэй хонхолзох
  3. Амьсгал саадтай болох
  4. Уух буюу хөхөхдөө муудах / Хүүхэд халуураагүй үедээ нурмагар, хоолондоо дургүй байх /
  5. Өвчин хүндрэх … шинж тэмдэг илэрвэл ЭМЧИД ЯАРАЛТАЙ ҮЗҮҮЛНЭ!

Бидний тухай

Бид эрүүл мэндийн тусламж үйлчилгээг амбулаторийн нөхцөлд олон улсын чанар стандартын шаардлагад нийцүүлэн, нарийн мэргэжлийн эмч, мэргэжилтнүүдийн тусламжтайгаар үйлчлүүлэгч төвтэй үйлчилгээг үзүүлэхээр зорин ажиллаж байна.

Дэлгэрэнгүй
Тогтмол мэдээлэл авах​

Тусламж үйлчилгээ

Онцлох үйлчилгээ

Холбоо барих

Утас: 7713 – 5555; 7611 – 5555
Ажиллах цаг:
Даваа-Баасан 09:00-18:00 Бямба, Ням 10:00-16:00

Хаяг:
Фамили Клиник эмнэлэг
64-р байрны 201 тоот, Халдвартын эцсийн буудал
14-р хороо, Баянзүрх дүүрэг, Улаанбаатар, Монгол улс